Rami Hadar në prag të rikthimit sensacional në Kosovë
Get link
Facebook
X
Pinterest
Email
Other Apps
-
Siç ka mësuar ekskluzivisht ArenaBasket, Rami Hadar është shumë afër rikthimit në basketbollin kosovar. Burimet tona brenda Golden Eagle Ylli zbulojnë se klubi është në bisedime të vazhdueshme me trajnerin izraelit, Rami Hadar.
Hadar së fundmi ishte pjesë e Hapoel Beer Sheva, ku iu bashkua në sezonin 2024/2025, pasi dha dorëheqje nga KB Peja, si dhe nga Përfaqësuesja e Kosovës. Në ndeshjen e tij të fundit me KB Peja, në intervistë për ArtMotion, ai akuzoi referët se “po vijnë me agjendë”.
Menjëherë pas largimit nga Kosova, Hadar u rikthye në vendlindjen e tij, Izrael, ku nënshkroi me Hapoel Beer Sheva. Para ardhjes së tij, klubi izraelit e kishte përfunduar sezonin 2023/2024 në vendin e fundit të tabelës, ndërsa edhe sezonin 2024/2025 e kishte nisur me humbje dhe në pozitën e fundit. Pas ardhjes së Hadar, Hapoel Beer Sheva siguroi pjesëmarrjen në “Promotion Playoffs”, ndërsa këtë sezon arriti ta sigurojë direkt “Playoff”-in, megjithatë në fund trajneri izraelit u largua nga klubi.
Kujtojmë se Hadar fitoi titullin historik me KB Peja në sezonin 2022/2023, në 30-vjetorin e themelimit të klubit, duke e mposhtur Trepçën me rezultat 3-2 në serinë finale.
Në anën tjetër, Golden Eagle Ylli, që nga sezoni 2022/2023 kur u eliminua në gjysmëfinale të “Playoff”-it pikërisht nga Rami Hadar me KB Peja — eliminim që rezultoi edhe në largimin e Adis Bećiragić — nuk ka arritur të fitojë asnjë trofe vendor. Kujtojmë se Bećiragić kishte fituar dy tituj kampioni radhazi me Golden Eagle Yllin në sezonet 2020/2021 dhe 2021/2022.
Klubi nga Theranda vazhdon të ketë probleme në pozitën e trajnerit, pasi ende nuk ka arritur ta gjejë profilin e duhur që do t’i rikthente sukseset dhe trofetë. Tashmë, një nga opsionet kryesore është pikërisht Rami Hadar, për të cilin drejtuesit e klubit besojnë se mund ta rikthejë Golden Eagle Yllin në majën e basketbollit kosovar.
anën tjetër, Adis Bećiragić, pas largimit nga Golden Eagle Ylli dhe kalimit te Trepça, ka fituar çdo trofe të mundshëm në basketbollin kosovar nga viti 2023 e deri më tani. Strategu boshnjak ka fituar tre herë radhazi Kupën e Kosovës, tre tituj kampioni, si dhe dy Superkupa të Kosovës, ndërsa gjithashtu triumfoi edhe në Ligën Unike në sezonin 2023/2024. Bećiragić së fundmi ka vazhduar kontratën me KB Trepça edhe për sezonin 2026/2027.
Rikthimi i Rami Hadar në Kosovë padyshim se do të bënte bujë të madhe, ndërsa mbetet të shihet në ditët në vazhdim nëse klubi nga Theranda do të arrijë marrëveshje me strategun izraelit.
Golden Eagle Ylli synon ta mbyllë marrëveshjen me Rami Hadar në ditët në vijim, ndërsa ArenaBasket do t’ju mbajë të informuar për çdo zhvillim të ri.
TJ Bickerstaff është lojtari më i ri i Hapoel Beer Sheva. Hapoel Beer Sheva që është në formë fantastike në krye me Rami Hadar, vendos të nënshkruajë me ish-qendrën e Bashkimit TJ Bickerstaff i cili luajti me Bashkimin për pjesën pranverore e gjithashtu luajti edhe në FIBA Europe Cup me Bashkimin, ku në përballje me Dijon në Prizren bëri double-double: 18 pikë, 11 kërcime e 3 asistime. Përveç kundër Dijon, ai edhe kundër Reggiana pati double-double: 18 pikë e 13 kërcime. TJ Bickerstaff ishte një nga shtyllat kryesore të Bashkimit në pjesën e parë të sezonit, megjithatë Bashkimi vendosi të ndajë rrugët me të, e nënshkroi me Josh Nzeakor, mirëpo as Nzeakor nuk i zgjati shumë, pasi që Bashkimi brenda vetëm 10 ditë pas nënshkrimit vendosi ta ndërpresë menjëherë kontratën me të. Bickerstaff me Bashkimin për 19.1 minuta për ndeshje pati mesatare prej: 9.2 pikë, 6.6 kërcime e 1.1 asistime në Superligë, e në FIBA Europe Cup për 19 minuta për ndeshje pati mesatare prej: 9 pikë, 6.3 ...
Linku 1: https://www.freeshot.live/live-tv/art-sport-2-xk/635 Linku 2: https://oha.to/ ArenaBasketKS Disclaimer ArenaBasketKS vetëm po shpërndan këto linke të ndeshjes Peja–Trepça (gjysmëfinalja e katërt). Ne nuk jemi autorë të transmetimit dhe nuk marrim asnjë përgjegjësi për cilësinë e stream‑it. Nëse ka ndërprerje, vonesa apo probleme teknike, nuk mund t’ju ndihmojmë. Gjithashtu, reklamat që shfaqen në ato faqe nuk janë të vendosura nga ne.
Tempulli “Minatori”, për herë të parë në histori të KB Trepça - në gjysmëfinale të playoff-it, rrezikon të mbetet pjesërisht i zbrazët — jo për mungesë interesi, por për shkak të vendimeve të papërgjegjshme të “Federata e Basketbollit e Kosovës”. Platforma “Kick Tick” është kthyer në pengesë serioze për tifozët. Nuk funksionon si duhet, nuk përballon as fluks minimal dhe në vend që të ndihmojë, po bllokon hyrjen e publikut në palestër. Në një fazë ku çdo vend duhet të jetë i mbushur, FBK ka krijuar një situatë absurde ku tifozët nuk arrijnë as të blejnë bileta. Për më tepër, sot gjatë mesditës sistemi i “Kick Tick” ka rënë plotësisht, duke e bërë të pamundur qasjen për një periudhë kohe. Më shqetësuesja është koha kur po bëhen këto “eksperimente”. Playoff-i nuk është vend për prova. Në vend që të sigurohet organizim maksimal dhe palestra të mbushura, FBK po rrezikon drejtpërdrejt atmosferën dhe të ardhurat e klubeve. ArenaBasket ka hasur në informacione që ngrenë dyshime se kjo platfor...
